القصيده الذهبيه / الله ولا الهاجـس اللـي مايريحـنـي

الله ولا الهاجـس اللـي مايريحـنـي

أسهر .. عيونـي وعنانـي وعنيتـه

أحاول أخفيه ميـر الحـزن يفضحنـي

متمركزٍ بالحشـا كـن الحشـا بيتـه

ياللي تعاتـب غموضـي لاتوضحنـي

مابـاقـيٍ فالخـفـوق إلا تناهيـتـه

أصافـح الهـم قبـل أنـه يصافحنـي

وأحـب خشمـه وأردد فالخفـا ليتـه

ليته قبـل لاتـزل أخطـاي ينصحنـي

ولا يريـح خفوقـي مـن عفاريـتـه

والغالي اللي عليـه الشـوق ذابحنـي

أقفى به الوقـت ماجانـي ولا جيتـه

ياسيد الغيد قبـل أقـول لـك بحنـي

بخبـرك عـن كـلامً عنـك خفيـتـه

تدري وِش أكبر خطاي الله يسامحني..؟

أقفايتي عنك وأنـت اللـي تمنيتـه..!

وهذا هـو اللـي معذبنـي وجارحنـي

أقـول أبنسـاه وأنــا ماتناسيـتـه

الشاعر / تركي الميزاني